ازاى تربى اولادك

اللهم اجعل اولادنا ذرية صالحة
اعرفى ان اولادك امانة ربنا هيسالك عليها وعشان كده ابذلى كل مجهودك فى تربية اولادك هكلمكم عن حاجات بعملها
مع اولادى والحمد لله جابت نتيجة
1- اعرفى ان اى علاقة ناجحة قائمة على الحب والحنان
حبى اولادك وحسيسهم بحبك قوليلهم بحبك وانت حبيبى
واحضنيه كل ده لازم يسمعه يوميا لانه هيقوى علاقته بيكى
2- ممنوع نهائيا الضرب والعنف والاهانة اتعاملى مع اولادك
باحترام ولا يغلط فى ان تخاصميه او تحرميه من اى حاجة بيحبهابيقعد حسب سنه
والعقاب ده هيخليه انسان هادى ومتفاهم
3- لما ابنك يغلط بلاش الصوت العالى والزعيق فهميه غلطه وخطورة اللى عمله ولو ما استجابش عاقبيه
4-بلاش الاوامر الكتيرة طول اليوم وبصيغة الامر بلاش نقوله نضف اوضتك قوليله يا حبيبى الاوضة شكلها وحش مش انت نضيف لازم اوضتك تطون نضيفة زيك
5- لو طفلك عنيد ومش عايز يسمع كلامك اشغليه بحاجة تانية غير اللى بيعملها وهو هيسكت
6- لازم يبقى ليكى وقت مع اولادك على اد ماتقدرى تلعبى معاهم
او تقعدى معاهم زى ما التليفون والكمبيوتر ليهم وقت اولادك اولى من كل ده
7- ماتسبيش اولادك يربيهم النت والاصحاب انتى اخرجى مع اولادك قربى منهم قوى
8- موضوع مهم قوى منتشر اننا بنسيب اولادنا للاغانى اللى كلامها اقبح من سماعها هاتى لاولادك كتب وعلميه انه يحب الكتب
9- لما جوزك يزعق لابنك ما تكسريش كلام جوزك ادام اولادك عشان يعملوا حساب لوالدهم
10- حببى اولادك فى زوجك وكلميهم عن والدهم وده هيخلى اللاولاد يقربوا من زوجك وهو يحب الاولاد اكتر
11- علمى اولادك الرياضة وخليهم يحفظوا قران لازم نشغل تفكيرهم بشئ مفيد
12- لما طفلك يحب يلبس لبس معين ويصمم عليه سبيه يختار اللى عايزه ده بيبنى شخصيته
13- لو لبيستى شئ خدى رايهم خليهم لهم راى