كل واحدة مخطوبة او مش مخطوبه نصائح ليكى

نبدا و نقول بسم الله 

1- لو فى المقابلة لقيتى العريس لابس مش اد كده يبقى سيبه ليه بقى يا قطة ؟؟؟؟

لان دى بتكون اول انطباع تاخديه عنه يا اما انه بخيل او غير مهندم فى لبسه واللى ما بيكونش مهندم فى نفسه دى بتعكس شخصيته حتلاقيه انسان ملخبط لان طبعا اللبس بيعكس الشخصية بنسبة كبيرة 

و تفهمى من كده ان عيلته كلها كده يعنى المفروض مامته او باباه مشافوهوش وهو نازل و يقولوله اده ؟؟

دى البنت بتقعد من قبلها تجهز فى هدوم وممكن تنزل تشترى مخصوص

ولو هدومه ولبسه وهو جاى يقابل بنت ناس عشان يخطبها هى دى أمال بيروح السوق بايه ؟؟

2- اذا و انتم قاعدين ما لقتيهوش طلب حاجة تشربوها او مثلا باباكى هو اللى طلب المفروض هو يكون عنده دم و يحاسب و لو لقيتيه عمل عبيط يبقى اتاكدى انه بخيل و رمة و معفن

3- لو هو بيسافر حاولى تساليه بخباثة كده سؤال تجسى منه علاقته ب باباه و مامته لان اللى بيسافر ده يا حبيبتى بيدى الفلوس لباباه و مامته و يسيبهم يتحكموا فيكى وحتبقى ملطشة ومش حتاخدى حق و لا باطل لو اشتكيتيله وحيقولك بابا و ماما وهما اللى معاهم كل حاجة اعمل ايه ؟؟ وحيتحرق دمك فلازم تعرفى ان لو حسيتى بكده ترفضيه فورا
4- لازم تساليه عن علاقتة بربنا وبيصلى ولا ؟؟ لو قالك لا سيبيه ما تكمليش وما تنسيش (ان الصلاة تنهى عن الفحشاء و المنكر )
5- اساليه عن اصحابه مين اقربله طبعا هو من كلامه حتحسى ولاد ناس ولا بيحكيلهم كل حاجة و لا ايه ؟؟
علشان يا حبيبتى ما يجيش فى مرة يحصل مشكلة بعد الجواز و يبقى قاغعد معاهم على القهوة و يقعد يشتم ويقول مراتى بتعمل و بتعمل وتبقى سيرتك على القهاوى
6- لازم يكون تكافؤ فى المستوى الاجتماعى ده اهم حاجة لان لو ده مش موجود مش حتنفع الحكايه و ده حتحسيه من كلامه و افكاره و طموحاته ودماغه مترتبة ولا هو بيمشى جهجهونى كده اى حاجة 
7- اذا خلصت المقابلة وانتى ما لقتيش فيه حاجة تشوفيها عيب بس محتارة جواكى مش مرتاح بمعنى اصح مش عارفة تقولى لا على ايه بس انتى مش مبسوطة مش حاسه ان ده اللى مستنياه ارفضى اوعى تقولى ما اظلمهوش و اوافق و اجرب هو حد لاقى عرسان ده لقطه اكبر غلطة اوعى تقولى كده

طالما ما حستيش ان فى حاجة من جواكى بتقولك هو ده يبقى خلاص ما تكمليش 
8- نيجى بقى فى قرايه الفاتحة لو هو كان فى المقابلة جالك بلبس مش اد كده و انتى وافقتى و الله حتلاقيه جاى البيت فى قراية الفاتحة بنفس الطقم المعفن معفن و حتلاقى اهله نفس الستايل المعفن ده برضه
9-اذا هو بيسافر وهما اتفقوا انكم تعملوا قراية فاتحة وبعدين يسافر طبعا حيقولولك البسى دبله عشان الناس تعرف انك مخطوبة اذا انتى مش حاسة انك مش عايزة تلبسيها عشان ما تبقيش اتندبستى و خاصة انك لسه ما تعرفيش الشخص ده عشان تلبسى دبلته قولى لا و ارفضى و خليكى مصرة على موقفك واعمليها شرط لو صممتم على الدبلة خلاص انا حفركش الموضوع و خلاص لانك لو سمعتى الكلام و لبستيها و انتى مش مقتنعة صدقينى حتحسى انك مخنوقه ومقيده بها ده علاوة على انك مش حتحبيها او مش حتكونى مقتنعة بيها لان الدبلة دى انعكاس للشخص يعنى انتى لسه مش مقتنعة بيه اوى او متردده او خايفة فطبيعى مش حتكونى مبسوطة بالدبلة ومش حتفرحى بيها
10-بلاش كلام فى التليفون كتير ومناقشة التفاصيل اليوميه مع بعض لان دى اكبر غلطة اوعىىىىىىىىىىىىىىىىىىىىىىىىىىىىى حذارىىىىىىىىىىىىىىىىىىىى

11- اهم حاجة بقى اذا انتم لسه ما تعرفوش بعض اوى و لقتيه شغل اسطوانات الحب و الهيام خاصة اذا كان عارف انك بنت ناس دى معناها حاجة من الاتنين يا اما هو بيشتغلك عشان تحبيه و يعلقك بيه و ده شخصية تشكى فيها يبقى ناوية على نيه سودا و عايز يعلقك بيه عشان لما يعمل مصيبة ما تقدريش تسيبيه و يفضل سيادته يبهدل فيكى 
و ممكن يكون هو شخص رومانسى ده تفهميه براحة كده ان مش كلام الحب اللى بيقوله عمال على بطال هو اللى حيخليكى تحبيه مواقفه هى اللى حتخليكى تحبيه
12- خليكى بنت تقيلة كده و جدعة و حبى بعقلك ما تمشيش طول النهار تدلدقى فى مشاعرك وتقوليله انت كل حاجة انت الشمس و الهوا اللى بتنفسه خليكى وسط كل حاجة فى وقتها حلوة لما تقوليله كل ده فى الخطوبه امال الجوا حتقولى ايه عشان ما يزهقش 
13- ما تخليش قلبك يعميكى عن العيوب او المواقف اللى بيضايقك بيها ويمرمط فيكى وتقولى مش حقوله عشان مزعلهوش لا لازم يعرف ان فى حاجات بتضايقك منه و لازم يحترمك ما تخلقيلهوش اعذار و مبررات مع نفسك
14- ناقشيه فى كل حاجة مش اى حاجة يقولك عليها تقولى حاضر امرك مطاع لازم يكون فاهم ان ليكى شخصية وفكر و دماغ مش سورى يعنى بقرة ساحبها وراه حتى لو في حاجة انتى حتقتنعى بيها برضه ناقشيه شويه و اتكلموا و اتفاهموا و بعدين و افقى اذا اقتنعتى حتى النقاش حيخليكم تفهموا بعض اكتر 
15- خلى مفتاح شخصيتك وقلبك وعقلك معاكى انتى بس يعنى ما تقوليلهوش ايه اللى لو يفرحك لو عمله و انتى بتتصالحى بسهولة و لا بصعوبة سيبيه هو يكتشفك كل ما تكونى صعبة وبعيده تبقى غالية وعزيزة يبقى لو زعلك قاعد يفكر يصالحك ازاى و ازاى يسعدك 
16- اوعى تتكلمى عن اهلك بطريقة وحشة او اى حد من عيلتك و لو حتى القرابة بعيده الناس دى هى اللى حتلجاى ليها فى اى مشكلة لا قدر الله فلازم تحترميهم عشان هو كمان يحترمهم
17- كلامك مع مامته و باباه و اخواته او مراة اخوه يكون بسيط اوى ما تخليهمش يعرفوا عنك حاجة لما تعرفيهم كويس اوىىىىىىى وتعرفى عيوب كل واحد ايه وتعرفى مفاتيح كل واحد ابقى ادخليهم من السكة اللى تمشى معاهم خليكى ذكيه و اوعى تدخلى نفسك فى مشاكل مالكيش فيها و بلاش كتر تليفونات معاهم

18- لو لقيتى كل الكلام اللى بيقولهولك بيوصل لماته و ان الكلام ده اتكرر او هى قالتلك على حاجة فانتى ما وافقتيش فتقوله يكلمك سيبى العيلة دى فورا ده يبقى كده شخصيته ضعيفة و ابن امه و حيسيبك ملطشة لعيلته
19- اوعى حماتك تعزمك مرة عندها فى البيت تقولك تيجى لوحدك يعنى تقولك (ما تيجى تقعدى معايا الصبح او شوية بالليل نتكلم انتى وحشتينى) حتى لو بيتها حنب بيتك دى كده تبقى ست مش كويسه وحتنادى عشان يا اما تلعب فى دماغك او تحرق دمك بمعنى اصح عايزة تستفرد بيكى اوعى تروحى وده معناه انها مش بتعرف فى الاصول لان الاصول بتقول تعزمكم كلكم او تكلم مامتك و تقولها تيجوا كلكم وانتى فهميها انك مش بتروحى مكان من غيرهم حتى لو قرايبك لازم تروحوا سوا (حتى لو انتى مش بتعملى كده و ممكن تروحى لقرايبك لوحدك)
20- تفهمى خطيبك انك مشاكلك بتحليها لوحدك ومش بتحكي لمامتك وباباكى على اى حاجة عشان ما يجيش فى مرة فى مشكلة بينكم و يقوم يخلى مامته تتصل بيكى او باباه او اخواته مش حتخلصى منهم

21- لو بعد ما اتفق مع باباكى على كل حاجة و العفش و الحاجات دى وجه مثلا حس ان الفلوس مش حتقضى فييجى يقولك كلمى انتى بابكى وقوليله احنا نجيبها مكانه من غير ما تفهميه ان انا اللى قايلك اوعى تعملى كده قوليله ده اتفاف كان راجل لراجل ولما تعوز تغيره برضه راجل لراجل ما تدخلنيش انا فى الحاجات دى ده كلام رجاله ماليش فيه اوعى تصغرى باباكى وتغيرى حاجات من وراه عشان هو كمان يحترمك و يعرف ان ليكى كبير يتكلم معاه
22- مش كل حاجة تشتريها فى الشوار او غيره تقوليله عليها او توريهاله ما تعوديهوش على كده
23- ما تستاذنيش منه عشان تروحى فى اى حته هو مالهوش الحق ده
24-لما تيجى تشترى الفستان بتاع الخطوبه انزلى و اتفرجى ولفى و اعملى عند الاتيليه اللى ترتاحى عنده و اختارى الكوافير اللى يعجبك مش اللى يعجب مامته و يستحسن ما تاخديهاش لا هى و لا اخواته معاكى واذا حكمت الظروف يروحوا عند اللى انتى اختارتيه
25- لو خايفة خطيبك يكون بخيل اوعى تخافى او تقولى مش حعرف اكتشف ما تخافيش اى انسان فى اى عيب يقدر يستر نفسه ويدارى العيب ده الا البخيل لا يمكن يستر نفسه ابدا و لو ثانية26- و برضه انتى يا حبيبتى لما تلاقيه متضايق ما تزنيش عليه عشان تعرفى فى ايه و تقرفيه اتصالات سيبه هو يبقى حابب يحكيلك حابب انك تسمعيه و هو حاسس ان محدش حيريحه غيرك
27- لو مبتعرفيش تطبخى اوعى تقوليله حيقعد يتريق و يقول لعيلته و يهروكى تريئة و يقرفوكى وبعد الجواز مهما تعملى و تتعبى و تتشطرى برضه مش حيعجب خدى بالك الانطباع الاول يدوم
28- او عى تساليه معاك كام؟؟ و بتصرف ايه؟؟ و بتحوش ايه ؟؟ ما لكيش فيه ده ما يخصكيش عشان ما تعوديهوش يعمل معاكى كده ده طبعا فى فترة الخطوبه انما الجواز حاجة تانية بس ده علشان انتى لما تطلى منه حاجة يبقى عايز يهد الدنيا و يجيبلك اللى انتى عايزاه لانه عارف ان عينك مليانه و مش طماعة ولا عينك على اللى فى ايد غيرك29- اوعى قريبتك او صاحبتك تشترى حاجة او خطيبها يجيبلها حاجة و تقوليله عايزة زيها اشمعنا هما عيب كده يا حبيبتى اقنعى باللى فى ايدك 
30- اوعى تقعدى قدامه بشعرك حتى لو هو طلب خليكى غاليه خليه يبقى حيموت عشان يجى اليوم اللى تكونى فيه مراته 
31- لو انتى خارجة مع اهلك و بتكلميه تقوليله مثلا فحتقوليله انا خارجة مع بابا و ماما و بس مش تكرى بقى ورايحين عند فلان و حنعمل كذا وكذا وكذا لا السؤال على اد الاجابة 
32- فهميه برضه مثلا انتى خارجة مع اصحابك و كلمتيه قبلها خلاص بقى يسيبك مش طول ما انتى قاعده مع اصحابك يقرفك تليفونات قوليله ما يتصلش و انتى مع اصحابك او و انتى متجمعة مع عيلتك عشان عيب كل شوية تسيبيهم و تتكلنى فى الموبايل دى كده قلة اهتمام بالضيوف و بعدين ما زنقتش الدنيا يكلمك و الناس قاعده عيييييييييييييييييب و انتى كمان ما تعمليش معاه كده 
33- خلى عندك كرامة كده و يعرف ان فيه خط احمر ما يعديهوش
34- اوعى تعوديه يضربك او يمد ايده و لو بهزار او يشتمك بهزار او جد اللى يعمل كده يبقى مش محترم واما يعمل كده فى الخطوبة امال فى الجواز حيعمل ايه وحتبقى ملطشة بقى و ده معاه تعملى حاجة من الاتنين يا اما تسيبيه يا اما تعمليها زعلة جامده وتطلعى عينه عشان يصالحك وتكبرى الموضوع كده و تفهميه انك خفتى منه و ما تامنيش على نفسك معاه وان باباكى مش بيعمل كده و هو باى صفة و اى حق يمد ايده كده يعنى المهم اوعى تعديها بالساهل

35- اوعى برضه يقولك فى مرة يا قليلة الادب وتعديها بالجزم و ادى على طول و تقوليله انت كده بتشتم بابا و ماما لانهم هما اللى ربونى و طالما شايفنى كده يبقى انا عند بابا فى بيته يربينى وكده يعنى

21- لو بعد ما اتفق مع باباكى على كل حاجة و العفش و الحاجات دى وجه مثلا حس ان الفلوس مش حتقضى فييجى يقولك كلمى انتى بابكى وقوليله احنا نجيبها مكانه من غير ما تفهميه ان انا اللى قايلك اوعى تعملى كده قوليله ده اتفاف كان راجل لراجل ولما تعوز تغيره برضه راجل لراجل ما تدخلنيش انا فى الحاجات دى ده كلام رجاله ماليش فيه اوعى تصغرى باباكى وتغيرى حاجات من وراه عشان هو كمان يحترمك و يعرف ان ليكى كبير يتكلم معاه
22- مش كل حاجة تشتريها فى الشوار او غيره تقوليله عليها او توريهاله ما تعوديهوش على كده
23- ما تستاذنيش منه عشان تروحى فى اى حته هو مالهوش الحق ده
24-لما تيجى تشترى الفستان بتاع الخطوبه انزلى و اتفرجى ولفى و اعملى عند الاتيليه اللى ترتاحى عنده و اختارى الكوافير اللى يعجبك مش اللى يعجب مامته و يستحسن ما تاخديهاش لا هى و لا اخواته معاكى واذا حكمت الظروف يروحوا عند اللى انتى اختارتيه
25- لو خايفة خطيبك يكون بخيل اوعى تخافى او تقولى مش حعرف اكتشف ما تخافيش اى انسان فى اى عيب يقدر يستر نفسه ويدارى العيب ده الا البخيل لا يمكن يستر نفسه ابدا و لو ثانية26- و برضه انتى يا حبيبتى لما تلاقيه متضايق ما تزنيش عليه عشان تعرفى فى ايه و تقرفيه اتصالات سيبه هو يبقى حابب يحكيلك حابب انك تسمعيه و هو حاسس ان محدش حيريحه غيرك
27- لو مبتعرفيش تطبخى اوعى تقوليله حيقعد يتريق و يقول لعيلته و يهروكى تريئة و يقرفوكى وبعد الجواز مهما تعملى و تتعبى و تتشطرى برضه مش حيعجب خدى بالك الانطباع الاول يدوم
28- او عى تساليه معاك كام؟؟ و بتصرف ايه؟؟ و بتحوش ايه ؟؟ ما لكيش فيه ده ما يخصكيش عشان ما تعوديهوش يعمل معاكى كده ده طبعا فى فترة الخطوبه انما الجواز حاجة تانية بس ده علشان انتى لما تطلى منه حاجة يبقى عايز يهد الدنيا و يجيبلك اللى انتى عايزاه لانه عارف ان عينك مليانه و مش طماعة ولا عينك على اللى فى ايد غيرك29- اوعى قريبتك او صاحبتك تشترى حاجة او خطيبها يجيبلها حاجة و تقوليله عايزة زيها اشمعنا هما عيب كده يا حبيبتى اقنعى باللى فى ايدك 
30- اوعى تقعدى قدامه بشعرك حتى لو هو طلب خليكى غاليه خليه يبقى حيموت عشان يجى اليوم اللى تكونى فيه مراته 
31- لو انتى خارجة مع اهلك و بتكلميه تقوليله مثلا فحتقوليله انا خارجة مع بابا و ماما و بس مش تكرى بقى ورايحين عند فلان و حنعمل كذا وكذا وكذا لا السؤال على اد الاجابة 
32- فهميه برضه مثلا انتى خارجة مع اصحابك و كلمتيه قبلها خلاص بقى يسيبك مش طول ما انتى قاعده مع اصحابك يقرفك تليفونات قوليله ما يتصلش و انتى مع اصحابك او و انتى متجمعة مع عيلتك عشان عيب كل شوية تسيبيهم و تتكلنى فى الموبايل دى كده قلة اهتمام بالضيوف و بعدين ما زنقتش الدنيا يكلمك و الناس قاعده عيييييييييييييييييب و انتى كمان ما تعمليش معاه كده 
33- خلى عندك كرامة كده و يعرف ان فيه خط احمر ما يعديهوش
34- اوعى تعوديه يضربك او يمد ايده و لو بهزار او يشتمك بهزار او جد اللى يعمل كده يبقى مش محترم واما يعمل كده فى الخطوبة امال فى الجواز حيعمل ايه وحتبقى ملطشة بقى و ده معاه تعملى حاجة من الاتنين يا اما تسيبيه يا اما تعمليها زعلة جامده وتطلعى عينه عشان يصالحك وتكبرى الموضوع كده و تفهميه انك خفتى منه و ما تامنيش على نفسك معاه وان باباكى مش بيعمل كده و هو باى صفة و اى حق يمد ايده كده يعنى المهم اوعى تعديها بالساهل

35- اوعى برضه يقولك فى مرة يا قليلة الادب وتعديها بالجزم و ادى على طول و تقوليله انت كده بتشتم بابا و ماما لانهم هما اللى ربونى و طالما شايفنى كده يبقى انا عند بابا فى بيته يربينى وكده يعنى
36- اوعى تحكيله اى مشكلة خاصة باى واحدة من صحباتك لان حيمسكها عليكى ذلة ( و المرء على دين خليله ) وهكذا