حواوشى اسكندرانى

جيت ليكم النهارده ومعايا ليكم طريقة عمل الحواوشى الاسكندرانى ويارب تعجبكم


اولا المقادير
1-نصف كيلو دقيق
2_1م ملح صغيره
3_1م سكر صغيره
4_1كوب لبن
5_خميره


ثانيا مقاديرالحشو

1-نصف كيلو لحم مفروم
2_1كوب فلفل اخضر
3_1بصله مفرومه
4_1طماطم مقطعه صغير
5_فلفل حامى لو حبه
6_بهارات وملح


نبدء بقى الطريقه


اول حاجه نعجن العجينه

نحط اللبن مع الخميره وذرة السكر ونقلبهم كويس وبعد كده نحط الملح مع الدقيق ونضفهم للبن وتعجن جيدا وبعدين نقعها كور صغيرهونحطها فى صينيه مرشوشه بالدقيق ونسبها تخمر


ثانيا هنعمل خلطة اللحم



هنحط الخليط كله على بعضه اللحم والفلفل والبهارات والطماطم والبصل والفلفل الحامى لو انتى حباه يكون حاااااااااااااار


بعد كده نجيب العجين بعد ما يخمر ونفرده ويكون فى حجم رغيف العيش البلدى وبعدين نحط الخليط فى منتصف العجينه ونغطيها بعجينه تانيه مفروده بنفس الحجم وبتتنى اطراف العجينه بحيث ميخرجش الخليط منها وهكذا لحد متنتهى من العجينه كلها وبعدين تحطيه فى صينيه مدهونه زيت وكمان بتدهنى الوش وتحطيه فى الفرن بدرجة حراره متوسطه وتتركيه لحد الوش ما يصبح لونه ذهبى