كور البسكويت بالفول السوداني بالصور

 

المقاديـــر :
علبة بسكوت شاي
1 كوب كريمة بيتي كروكر بالفانيلا
1 كوب بينت بتر
1/4 ربع اصبع زبده يذوب عالنار
الطريــقـــه :
اول شي نطحن البسكوت بس مو مره ناعم خليه خشن شوي حتى يصير الحلا كرنشي ..
بعد كذا اخلطيه مع باقي المقادير واعجينهم زين وترى ماراح يكون متماسك تتحسين انه لين وماراح يتكور معك ..
بس مو مشكله لا تعطينه وجه وكوريه غصب ولا تخلين الكور صغيره كبريها اطعم
وحطيه على ورق زبده
بعدين حطيها بالفريزر لحد ماتجمد ..
بعد كذا ذوبي شكولاته بحمام مائي
انا اخلط مابين الدارك شاكلت وبين الجالكسي
يطلع الطعم خطير ومو مثل اذا حطيتي الجالكسي لحاله يصير يذوب بسرعه ويوسخ اليدين
والدارك لحالها مرّه ومو الكل يحبها
وغمسي الكور فيها وحطيها على ورق الزبده
ودخليها الثلاجه او الفريزر على حسب متى انتي تبينه ..
واذا جمدت حطيها باوراق البيلسيه وصفيها بالشكل اللي تحبين
ولو عندك قصدير ملون تغلفينها بيطلع خياااااااااااال 
لانه طعمها كانه شكولاته جاهزه ... وصدقيني بتشرفك قدام ضيوفك 
والحلو بهالحلا انه تقدرين تفرزنينه ومتى ماجاك احد فجأه أو كنتي متعيجزه تطبخين طلعيه قبل بساعتين وقدميه كأنه جديد 
بس لا يطول بالفريزر يعني لا تخلينه اكثر من اسبوعين ثلاثه حتى مايطلع على الشكولاته نقط بيضاء ..