فتة الباذنجان باللحم المفروم

باللحم المفروم[/align]

المقادير 

باذنجان رومى مقطع طرنشات 
عيش محمص
ملح وبهارات وزعتر 
بصله مخرطه +ثوم
صلصة طماطم 
نصف كيلو لحم مفروم
4كوب زبادى 
زبده


الطريقه 



اول حاجه نرش على الباذنجان ملح ونسيبه شويه علشان يصفى الميه اللى فيه وبعدين نحمره وننشله على ورق مناديل علشان يتشرب الزيت منه


تانى حاجه نعصج اللحم بنحط الزبده على النار وعليها البصله ونقلبها لحد متدبل وبعديها نحط الثوم ونقلبه لحد ما يصفربعديها نحط اللحم والبهارات والزعتر ونقلبها لحد ميتغير لونها بعديها نحط الفلفل الاسود والملح وصلصة الطماطم ونسيبها تتسبك وبعدين نحط الباذنجان المقلى على اللحم ونقلبه ونكون مجهزين العيش المحمص مكسر فى اناءونحط عليه الباذنجان باللحم


تالت حاجه نحط الزبادى فى اناء ونحط عليه فص ثوم صغير مفروم ونضربهم بالمضرب كويس اه نسيت نحط عليهم كمان شويت ملح صغيره وبعديها نحط الزبادى على وش الفته ولوحبه تحطى مكسرات براحتك 

وبكده اكون خلصت طبق النهارده واتفضلو بالف هنا وشفا

ويارب تعجبكم ومستنيه ارائكم